Aizawl 12th June, 2024 (Wed): State Election Commission, Mizoram chuan 07-Chakhei MDC Constituency ah Member tang lai a ban avanga hmun ruak hnawh khahna atan  June 28, 2024 (Friday) hian inthlanna a buatsaih dawn a, hemi rual hian  Mara Autonomous District Council huam chhung heng khua- 25-New Siaha E’’-II, 91-Lopu-II leh 94-College Vaih-III ah te By-Election neih hun tur pawh puan a ni a, July 9, 2024 (Tuesdaay) ah an in thlang ang.

Chakhei MDC inthlan result hi July 2, 2024 ah puan a ni ang a, VC by election result hi inthlan ni July 9, 2024  ah vote tla te chhiar nghal tur a ni.

Inthlanna muanawm leh felfai neih a nih theihna atan, dan leh thupek ken kawh kawnga mawhphurtute chu a tul anga hma la tura tih an ni a, a bik takin District Magistrate, Siaha leh Superintendent of Police, Siaha-te chu ruahhmanna tul ang zawng zawng siam tura beisei an ni. A tul a nih chuan ralthuam ken chungchang leh au rinna hman chungchangah khapna thupek ti chhuak tura beisei an ni. Eng thil mahin Inthlanna hi a ti buai tur a ni lo.

 Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag-te, Poster-te, Symbol-te leh thuziak, Political Party emaw Candidate lam kaihhnawih ziahna engmah tar loh tur a ni.  He camp-ah hian pawm tlan theih tuemaw in a ho ang.

State Election Commission’ chu vawiin ni 12th June, 2024 atang hian By-Election neihna tur 07-Chakhei MDC Constituency huam chhungah leh By-Election neihna tur Village Councils huam chhungah te hman tan nghal a ni. He Model Code hian Political Parties, Contesting Candidates, Ministers, Members of Parliament, Members of Legislative Assembly, Chief Executive Member, Executive Members, Members of District Council leh inthlannaa inhnamhnawih  Public Servant-te a huam ang.

State Election Commission chuan inthlanna fel fai leh muanawm kan neih theihna’n inthlanna buaipuitute, Political Parties, Media, NGOs leh mipui tawiawmna a ngen a ni.